Fræðileg nálgun

Í þjónustuferlinu leitast iðjuþjálfar á Bjargi við að vera skjólstæðingsmiðaðir og vinna iðjumiðað.
Þeir tilgreina og forgangsraða málefnum er varða færni við iðju með skjólstæðingum sínum.
Samvinna og ákvarðanataka er sameiginleg.
Kanadíska færnilíkanið er notað sem og líkanið um lífaflfræði til að ramma inn þjónustuna. Iðjan alltaf miðpunkturinn, fleiri faglíkön eru einnig notuð t.d. líkanið um iðju mannsins.
Að nota faglíkön í starfi gefur iðjuþjálfum tækifæri til að velja íhlutunarmarkmið ásamt skjólstæðingi.
Hlutverk iðjuþjálfa er að skapa gott samband við skjólstæðinga, komast að hvaða árangri skuli stefnt, móta áætlun og hrinda henni í framkvæmd ýmist með þjálfun, iðju, aðlögun eða með umsóknum um hjálpartæki.
Þjónusta er í formi fræðslu, þjálfunar og aðlögunar iðju að færni skjólstæðinga.
Miðað er að því að styrkja færni í gegnum þjálfun og markmiðsbundnar athafnir.
Iðjuþjálfar meta árangur af þjónustu reglulega

Kanadíska þjónustuferlið er haft til hliðsjónar í samvinnu iðjuþjálfa við skjólstæðinga. Líkanið endurspeglast í þessu skjólstæðingsmiðaða.

þjónustuferli sem lýtur að styrk skjólstæðinganna og úrræðum í áætlun og framkvæmd iðjuþjálfunar. Færni skjólstæðingsins er ávallt í brennidepli.

Tilgreina, réttmæta og forgangsraða.
Val á fræðilegri nálgun.
Greina hæfni og umhverfi. Kannað er hvað hindrar og hvað styður færni. Mat formlegt og óformlegt.
Styrkleikar greindir sem og úrræði í umhverfinu. Unnið með langanir hvað vill skjólstæðingur.
Árangursmark sett og áætlun gerð í samræmi við það.
Áætlun hrint í framkvæmd með iðju, áhrif á iðju – handarþjálfun, handíðir, eldhúsverk, tölva (Prófa nýja iðju, skipuleggja daginn með stundarskrá), áhrif á skjólstæðing – (Fræðsla um streitustjórnun, líkamsbeitingu, slökun, mataræði, jafnvægi í daglegu lífi og hreyfingu), áhrif á umhverfi (fræða fjölskyldu og vini, breyta vinnuaðstöðu).
Mat á árangri. Er árangursmarki náð? Lokamatið setur endapunkt á þjálfunina.